Estasyon ng Pasay Road

Pasay Road
Pambansang Daambakal ng Pilipinas
Mga tanggapan sa tabi ng riles at pasukan ng estasyong Pasay Road.
Pangkalahatang Impormasyon
Lokasyon	Estacion Street Pio del Pilar, Makati
Koordinato	14°32′58.68″N 121°0′44.22″E / 14.5496333°N 121.0122833°E / 14.5496333; 121.0122833
Pagmamayari ni/ng	Pambansang Daambakal ng Pilipinas
Linya	Linyang Patimog      Linyang Culi Culi-Palapagang Nielson (wala na)
Plataporma	1 platapormang pagilid at 1 platapormang pagitna
Riles	2, 1 reserba
Konstruksiyon
Uri ng estruktura	Nasa lupa
Akses ng may kapansanan	Oo
Ibang impormasyon
Kodigo	PRD
Kasaysayan
Nagbukas	Hunyo 21, 1908
Muling itinayo	1975, 2009
Dating pangalan	Culi Culi (1908) Pio del Pilar (1975)
Serbisyo
Huling station   PNR   Susunod station Dela Rosa patungong Tutuban Metro Commuter EDSA patungong Alabang o Calamba España patungong Tutuban Bicol Express Alabang patungong Legazpi Isarog Limited Alabang patungong Naga

Ang Pasay Road ay isang estasyon sa Pangunahing Linyang Patimog o South Main Line (na tinatawag ding "Linyang Patimog" o "Southrail") ng Pambansang Daambakal ng Pilipinas. Tulad ng lahat ng mga estasyon ng PNR, nasa lupa ang estasyong ito. Matatagpuan ang estasyon sa Kalye Estacion (na tinatawag ding Calle Estacion) sa Barangay Pio del Pilar sa Makati, kung saan isa ito sa dalawang estasyon (ang isa pa ay ang Santa Mesa) na may sariling daan. Ipinangalan ito sa Daang Pasay (Pasay Road), ang dating pangalan ng bahaging Makati ng Abenida Arnaiz.

Ang estasyon ay ang ikasampung estasyon patimog mula sa Tutuban at ang isa sa tatlong mga estasyon na naglilingkod sa lungsod ng Makati, ang dalawa pang estasyon ay Buendia (ngayon Dela Rosa) at EDSA. Ito ang tanging estasyon ng Makati at ng bahaging España-Alabang na nagsisilbi sa mga treng pangkalunsuran, bilang isang lugar ng paghinto para sa Bicol Express at Mayon Limited.

Bilang karagdagan sa pagkakaroon nito ng sariling dedikado na access road, ang estasyon ng Pasay Road ay isa rin sa tatlong mga estasyon (ang iba ay Santa Mesa at España) na idinugtong at itinaas ang mga orihinal na plataporma upang mapaunlakan ang bagong mga pangmaramihang diesel na yunit ng PNR. Pinanatili ang mga orihinal na plataporma para sa paggamit ng mga lokomotibong Commuter Express at lalo na para sa mga treng pangkalunsuran.